ವಿದೇಶದಲ್ಲಿ ಮೃತಪಟ್ಟವರ ಕಳೇಬರ ಇಂದು ಗೋಕಾಕಗೆ

ಬೆಳಗಾವಿ: ದುಬೈನಲ್ಲಿ ಸಂಭವಿಸಿದ ಅಪಘಾತದಲ್ಲಿ ಮೃತಪಟ್ಟವರ ಕಳೇಬರ ಇಂದು ಗೋಕಾಕಗೆ ಬರಲಿದೆ. ಮೃತಪಟ್ಟು ಸುಮಾರು 17 ದಿನಗಳ ನಂತರ ಕಳೇಬರ ಇಂದು ಹೈದರಾಬಾದ್ ಮೂಲಕ ಗೋಕಾಕಗೆ ಬರಲಿದೆ.

ವಿಸಿಟಿಂಗ್ ವೀಸಾ ಮೇಲೆ ದುಬೈಗೆ ತೆರಳಿದಾಗ ಆಗಸ್ಟ್ 26ರಂದು ಹೈಮಾ ಎಂಬ ಪ್ರದೇಶದಲ್ಲಿ ಕಾರು ಅಪಘಾತ ಸಂಭವಿಸಿ ಗೋಕಾಕ ಮೂಲದ ನಾಲ್ವರು ಮೃತಪಟ್ಟಿದ್ದರು
. ಪೂಜಾ ಆದಿಶೇಷ ಉಪ್ಪಾರ (21), ಆದಿಶೇಷ ಬಸವರಾಜ ಉಪ್ಪಾರ( 35) ಇವರ ಪ್ರಾರ್ಥಿವ ಶರೀರ ರಾಯಚೂರಿನ ದೇವದುರ್ಗ ತಲುಪಿದ್ದು ಗುರುವಾರ ಅಂತ್ಯಕ್ರಿಯೆ ನಡೆದಿದೆ. ಗೋಕಾಕ ನಿವಾಸಿಗಳಾದ ವಿಜಯ ಮಾಯಪ್ಪ ತಹಶೀಲ್ದಾರ್ (52)ಮತ್ತು ಪವನ್ ಕುಮಾರ್ ಮಾಯಪ್ಪ ತಹಶೀಲ್ದಾರ್ (22)ಅವರ ಪ್ರಾರ್ಥಿವ ಶರೀರದ ಕಳೇಬರ ಹೈದರಾಬಾದ್ ಮೂಲಕ ಗೋಕಾಕಗೆ ಬರಲಿದೆ. ಆದಿಶೇಷ ಮತ್ತು ಪೂಜಾ ದಂಪತಿ ದುಬೈನ ಸಲಾಲ್ ನಲ್ಲಿ ನೆಲೆಸಿದ್ದು ಗರ್ಭಿಣಿಯಾಗಿದ್ದ ಮಗಳನ್ನು ಸೀಮಂತ ಕಾರ್ಯಕ್ಕೆ ಕರೆತರಲು ತಾಯಿ- ಮಗ ವಿಸಿಟಿಂಗ್ ವೀಸಾ ಮೇಲೆ ತೆರಳಿದ್ದರು. ಆಗಸ್ಟ್ 26ರ ರಾತ್ರಿ 10:00 ಗಂಗೆ ಕಾರಿನಲ್ಲಿ ತೆರಳುತ್ತಿದ್ದಾಗ ಅಪಘಾತ ಸಂಭವಿಸಿತ್ತು. ಮೃತರ ಡಿಎನ್ಎ ಟೆಸ್ಟ್ ಸೇರಿ ಹಲವು ಕ್ರಮಗಳ ನಂತರ ಇದೀಗ ಅವರ ಮೃತಶರೀರದ ಕಳೇಬರ ಭಾರತಕ್ಕೆ ಬಂದಿದೆ.