ಮನೆಯಲ್ಲಿಯೇ ಶವವಾಗಿ ಪತ್ತೆಯಾದ ದಂಪತಿ

ಬೆಳಗಾವಿ : ಅಥಣಿ ಹೊರವಲಯದ ತೋಟದ ಮನೆಯೊಂದರಲ್ಲಿ ದಂಪತಿ ಶವವಾಗಿ ಪತ್ತೆಯಾಗಿರುವ ಘಟನೆ ಬೆಳಕಿಗೆ ಬಂದಿದೆ.

ನಾನಾ ಸಾಹೇಬ್ ಬಾಬು ಚವಾಣ (58) ಹಾಗೂ ಜಯಶ್ರೀ ನಾನಾ ಸಾಹೇಬ್ ಚವಾಣ (50) ಮೃತ ದಂಪತಿ. ಅಥಣಿ ಹೊರವಲಯದ ಮದಬಾವಿ ರಸ್ತೆ ಬಳಿಯ ಚವಾಣ ತೋಟದ ಮನೆಯಲ್ಲಿ ದಂಪತಿಯ ಶವ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ಮನೆಯಿಂದ ದುರ್ವಾಸನೆ ಬರುತ್ತಿದ್ದ ಹಿನ್ನಲೆಯಲ್ಲಿ ಅಕ್ಕಪಕ್ಕದ ನಿವಾಸಿಗಳು ಪೊಲೀಸರಿಗೆ ಮಾಹಿತಿ ನಿಡಿದ್ದಾರೆ. ಸ್ಥಳಕ್ಕಾಗಮಿಸಿದ ಪೊಲೀಸರು ಬಾಗಿಲು ತೆರೆದು ನೋಡಿದಾಗ ದಂಪತಿ ಶವ ಕೊಳೆತ ಸ್ಥಿತಿಯಲ್ಲಿ ಕಂಡುಬಂದಿದೆ.

ಐದಾರು ದಿನಗಳ ಹಿಂದೆಯೇ ಪತಿ-ಪತ್ನಿ ಇಬ್ಬರೂ ಸಾವನಪ್ಪಿರುವ ಶಂಕೆ ಇದೆ.