ಹೆಬ್ರಿ : ಹೆಬ್ರಿ ಪಾಂಡುರಂಗ ರಮಣ ನಾಯಕ್ ಅಮೃತ ಭಾರತಿ ವಿದ್ಯಾ ಕೇಂದ್ರದ ಎನ್‌.ಸಿ.ಸಿ ಘಟಕದ ಆಶಯದಲ್ಲಿ ಎನ್ ಸಿ ಸಿ ದಿನಾಚರಣೆ ಆಚರಿಸಲಾಯಿತು. ಈ ನಿಟ್ಟಿನಲ್ಲಿ ಸೈಕ್ಲೋಥೋನ್ ಕಾರ್ಯಕ್ರಮ ಹಮ್ಮಿಕೊಳ್ಳಲಾಯಿತು. ಕ್ಯಾಂಪಸ್ ಮೇಲ್ವಿಚಾರಕ ರಾಘವೇಂದ್ರ ಅವರು ಸೈಕ್ಲೋಥಾನ್ ಗೆ ಚಾಲನೆ ನೀಡಿದರು ಸುಮಾರು 30 ಸೈಕಲ್ ಗಳಲ್ಲಿ ಅಮೃತ ಭಾರತಿ ಕ್ಯಾಂಪಸ್ಸಿನಿಂದ ಕುಚ್ಚೂರು ಸೀತಾನದಿ ಸೇತುವೆವರೆಗೆ 10 ಕಿ.ಮೀ ಸೈಕ್ಲಿಂಗ್ ಮಾಡಲಾಯಿತು ಈ ಸಂದರ್ಭದಲ್ಲಿ ಅಮೃತ ಭಾರತಿ ಟ್ರಸ್ಟ್ ಅಧ್ಯಕ್ಷ ರವಿ ರಾವ್, ಸ್ಥಾಪಕಾಧ್ಯಕ್ಷ ಸತೀಶ್ ಪೈ ಶುಭ ಹಾರೈಸಿದರು. ಎ. ಎನ್. ಓ ಚಿತ್ತರಂಜನ್ ಕಾರ್ಯಕ್ರಮ ಆಯೋಜಿಸಿದ್ದರು. ಚೀಫ್ ವಾರ್ಡನ್ ರವೀಂದ್ರ ಹಾಗೂ ಎನ್. ಸಿ. ಸಿ ಕೆಡೆಟ್ ಗಳು ಉಪಸ್ಥಿತರಿದ್ದರು.