ಭಾರತ-ಬಾಂಗ್ಲಾದೇಶ ಅಂತಿಮ ಏಕದಿನ : ವೈಟ್ ವಾಷ್ ಅನುಭವಿಸುತ್ತಾ ಭಾರತ ? 

ಚಿತ್ತಗಾಂಗ್-

ಬಾಂಗ್ಲಾದೇಶವು ವಿಶ್ವದ ಬಲಿಷ್ಠ ತಂಡವನ್ನು ಮೂರನೇ ಪಂದ್ಯದಲ್ಲಿಯೂ ಸೋಲಿಸಿ ವೈಟ್ ವಾಶ್ ಮಾಡಲು ಸಿದ್ಧವಾಗಿದೆ. ಮೂರನೇ ಏಕದಿನ ಪಂದ್ಯವು ಚಿತ್ತಗಾಂಗ್ ಎಂದು ಕರೆಯಲ್ಪಡುವ ಚಟ್ಟೋಗ್ರಾಮ್‌ನ ಜಹುರ್ ಅಹ್ಮದ್ ಚೌಧರಿ ಕ್ರೀಡಾಂಗಣದಲ್ಲಿ ಇಂದು ನಡೆಯಲಿದೆ.

3ನೇ ಏಕದಿನ ಪಂದ್ಯದಲ್ಲಿ ಬಾಂಗ್ಲಾದೇಶವು 3-0 ಅಂತರದಿಂದ ವೈಟ್‌ವಾಶ್ ಮಾಡುವುದನ್ನು ತಡೆಯುವ ಗುರಿಯನ್ನು ಟೀಮ್ ಇಂಡಿಯಾ ಹೊಂದಿದೆ. ಹೆಬ್ಬೆರಳಿಗೆ ಗಾಯ ಮಾಡಿಕೊಂಡಿರುವ ನಾಯಕ ರೋಹಿತ್ ಶರ್ಮಾ ಅವರ ಸೇವೆಯನ್ನು ಭಾರತ ಕಳೆದುಕೊಳ್ಳಲಿದೆ. ಅವರ ಅನುಪಸ್ಥಿತಿಯಲ್ಲಿ ಕೆಎಲ್ ರಾಹುಲ್ ತಂಡವನ್ನು ಮುನ್ನಡೆಸಲಿದ್ದಾರೆ.

ಒಂದು ವೇಳೆ ಮೂರನೇ ಏಕದಿನ ಪಂದ್ಯವನ್ನು ಭಾರತ ತಂಡ ಸೋತರೆ, ಏಷ್ಯಾದ ಎದುರಾಳಿಯ ವಿರುದ್ಧ ತಮ್ಮ ಎರಡನೇ ಏಕದಿನ ದ್ವಿಪಕ್ಷೀಯ ವೈಟ್‌ವಾಶ್ ಮುಖಭಂಗ ಅನುಭವಿಸಬೇಕಿದೆ. 1997ರಲ್ಲಿ ಏಕದಿನ ಸರಣಿಯಲ್ಲಿ ಶ್ರೀಲಂಕಾ ತಂಡವು 3-0 ಅಂತರದಿಂದ ಸೋಲಿಸಿದಾಗ ಭಾರತವು ಏಷ್ಯನ್ ತಂಡದ ವಿರುದ್ಧ ಕ್ಲೀನ್‌ಸ್ವೀಪ್ ಅನುಭವಿಸಿತ್ತು.

ಪಂದ್ಯದ ಸಮಯ-ಭಾರತ vs ಬಾಂಗ್ಲಾದೇಶ 3 ನೇ ODI ಪಂದ್ಯವು 11:30 IST ಕ್ಕೆ ಪ್ರಾರಂಭವಾಗುತ್ತದೆ.