udayaprabha
ಪುತ್ತೂರು: ಬೆಳ್ಳಿಪ್ಪಾಡಿ ಗ್ರಾಮದ ಬೇರಿಕೆ, ಕುದುಂಬ್ಲಗುರಿ, ಜರಿ-ಕೊಟ್ಲಾರು-ನೆಕ್ಕರೆ-ದೇವಸ್ಯ-ಕಜೆ ಕೋಡಿಂಬಾಡಿ ರಸ್ತೆ ಪ್ರಧಾನಮಂತ್ರಿ ಸಡಕ್ ಯೋಜನೆಗೆ ಆಯ್ಕೆಯಾಗಿದ್ದು ಬಹುಕೋಟಿ ರೂ ವೆಚ್ಚದಲ್ಲಿ ಸುಮಾರು ೪.೫ ಕಿ ಮೀ ರಸ್ತೆ ಅಭಿವೃದ್ದಿಯಾಗಲಿದೆ.
ಹಲವು ವರ್ಷಗಳಿಂದ ಈ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು ವಾಹನ ಸಂಚಾರಕ್ಕೂ ಅಡಚಣೆಯಾಗಿತ್ತು ಇದಕ್ಕೆ ಅನುದಾನ ಒದಗಿಸುವ ಬಗ್ಗೆ ಪುತ್ತೂರು ಶಾಸಕ ಅಶೋಕ್ ರೈ ಅವರ ಶಿಫಾರಸ್ಸಿನಂತೆ ಬೆಳ್ಳಿಪ್ಪಾಡಿ ಗ್ರಾಮದ ಈ ರಸ್ತೆಯನ್ನು ಆಯ್ಕೆಮಾಡಲಾಗಿದೆ.
೫ ವರ್ಷ ಮೈಂಟೆನೆನ್ಸ್ ೬ ನೇ ವರ್ಷ ಮತ್ತೆ ಡಾಮರೀಕರಣ
ಪ್ರಧಾನಮಂತ್ರಿ ಡಕ್ ಯೋಜನೆಯಡಿ ಮಂಜೂರಾದ ರಸ್ತೆಯು ಬಹುಕೋಟಿ ರೂ ವೆಚ್ಚದಲ್ಲಿ ನಿರ್ಮಾಣವಾಗಲಿರುವ ಕಾರಣ ಇದರಪರಿಪಾಲನೆಯೂ ಗುತ್ತಿಗೆದಾರನಿಗೆ ಇರುತ್ತದೆ. ಒಂದು ಬಆರಿ ಕಾಮಗಾರಿ ಮಾಡಿದ ಬಳಿಕ ೫ ವರ್ಷ ರಸ್ತೆಯನ್ನು ಪರಿಪಾಲನೆ ಮಾಡಬೇಕು ಮತ್ತೆ ಆರನೇ ವರ್ಷ ಮರು ಡಾಮರೀಕರಣ ಮಾಡಬೇಕಾಗುತ್ತದೆ. ಗುಣಮಟ್ಟದಲ್ಲಿ ಖಾತ್ರಿಯೂ ಇದರಲ್ಲಿ ಪ್ರಾಮುಖ್ಯತೆಯನ್ನು ಹೊಂದಿರುತ್ತದೆ. ರಸ್ತೆ ನಿರ್ಮಾಣವಾಗುವ ಮೊದಲೇ ಇಲ್ಲಿ ಚರಂಡಿ , ಮೋರಿ ಮತ್ತು ಅಗಲೀಕರಣ ಕಾಮಗಾರಿಯೂ ನಡೆದು ಆ ಬಳಿಕ ರಸ್ತೆ ಡಾಮರೀಕರಣಗೊಳ್ಳುತ್ತದೆ.
೫ ವರ್ಷಕ್ಕೊಮ್ಮೆ ಈ ಯೋಜನೆ:
ಈ ಯೋಜನೆಯು ೫ ವರ್ಷಕ್ಕೊಮ್ಮೆ ಮಾತ್ರ ದೊರೆಯುತ್ತದೆ. ಆಯಾ ಕ್ಷೇತ್ರದ ಶಾಸಕರು ಈ ವಿಚಾರದಲ್ಲಿ ಮುತುವರ್ಜಿ ವಹಿಸಿದರೆ ಮಾತ್ರ ಈ ಯೋಜನೆ ಲಭ್ಯವಾಗುತ್ತದೆ. ಈ ಬರಿಯ ಯೋಜನೆಯನ್ನು ಶಾಸಕರು ತನ್ನ ಸ್ವ ಗ್ರಾಮಕ್ಕೆ ಮೀಸಲಿಡುವ ಮೂಲಕ ತನ್ನ ಸ್ವ ಗ್ರಾಮದ ಅಭಿವೃದ್ದಿಗೆ ಒತ್ತು ನೀಡಿದ್ದಾರೆ.
—
ತನ್ನ ಸ್ವ ಗ್ರಾಮಕ್ಕೆ ಪ್ರಧಾನಮಂತ್ರಿ ಸಡಕ್ ಯೋಜನೆಯಡಿ ಬೆಳ್ಳಿಪ್ಪಾಡಿ ಗ್ರಾಮದ ರಸ್ತೆಯನ್ನು ಆಯ್ಕೆ ಮಾಡಲಾಗಿದೆ. ರಸ್ತೆ ಕಾಮಗಾರಿ ಅತ್ಯುತ್ತಮವಾಗಿ ನಡೆಯಲಿದೆ. ಅನೇಕ ಒತ್ತಡಗಳ ನಡುವೆಯೂ ಈ ಯೋಜನೆಯನ್ನು ತರುವಲ್ಲಿ ಯಶಶ್ವಿಯಗಿದ್ದೇವೆ. ಗ್ರಾಮಸ್ಥರ ಬಹುವರ್ಷದ ಬೇಡಿಕೆಯನ್ನು ಈಡೇರಿಸಿದ ತೃಪ್ತಿ ನನಗಿದೆ-
ಅಶೋಕ್ ರೈ ,ಶಾಸಕರು, ಪುತ್ತೂರು
೨೦೦ ಕುಟುಂಬಗಳಿಗೆ ರಸ್ತೆಯ ಪ್ರಯೋಜನ
ಪ್ರಧಾನಮಂತ್ರಿ ಸಡಕ್ ಯೋಜನೆಯಡಿ ರಸ್ತೆ ಮಂಜೂರಾಗಬೇಕಾದಲ್ಲಿ ಆ ಭಾಗದಲ್ಲಿ ಕನಿಷ್ಠ ೨೦೦ ಕುಟುಂಬಗಳು ಇರಬೇಕಾಗುತ್ತದೆ. ಶಾಸಕರು ಶಿಫಾರಸ್ಸು ಮಾಡಿರುವ ಬೆಳ್ಳಿಪ್ಪಾಡಿ ಗ್ರಾಮದ ಈ ರಸ್ತೆಯು ಸುಮಾರು ೨೦೦ ಕುಟುಂಬಗಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆಯಾಗಿದೆ. ಬಹಳ ವರ್ಷಗಳ ಬೇಡಿಕೆ ಈ ಬಾರಿ ಈಡೇರಿದೆ. ಈ ರಸ್ತೆಯನ್ನು ಆಯ್ಕೆ ಮಾಡುವಂತೆ ನಾನು ಶಾಸಕರಿಗೆ ಮನವಿ ಮಾಡಿದ್ದೆ. ಸ್ವ ಗ್ರಾಮಕ್ಕೆ ಈ ಯೋಜನೆಯನ್ನು ಕರುಣಿಸಿದ ಶಾಸಕರಿಗೆ ಅಭಿನಂದನೆಯನ್ನು ಸಲ್ಲಿಸುತ್ತಿದ್ದೇನೆ
ಜಯಪ್ರಕಾಶ್ ಬದಿನಾರ್, ಉಪಾಧ್ಯಕ್ಷರು ಕೋಡಿಂಬಾಡಿ ಗ್ರಾಪಂ
,
,
,
,
,
,
