| Join The Telegram | Join The WhatsApp |
ಬೆಳಗಾವಿ :
ದಿನಾಂಕ: 23/03/2023 ರಂದು ಮಜಗಾವಿಯ 5 ನೇ ರೇಲ್ವೆ ಗೇಟ್ ಹತ್ತಿರ ವಾಹನದಲ್ಲಿ ಗೋವಾ ಮದ್ಯ ಸಾಗಾಟ ಮಾಡುತ್ತಿರುವ ಬಗ್ಗೆ ಬಂದ ಖಚಿತ ಮಾಹಿತಿ ಆಧರಿಸಿ ಅರುಣಕುಮಾರ ಕೋಲೂರು ಎಸಿಪಿ ಖಡೇಬಜಾರ ಉಪ-ವಿಭಾಗರವರ ಮಾರ್ಗದರ್ಶನದಲ್ಲಿ ಉದ್ಯಮಬಾಗ ಠಾಣೆ ಪೊಲೀಸ್ ಇನ್ಸಪೆಕ್ಟರ್ ಆರ್.ಎಸ್ ಬಿರಾದಾರ ಮತ್ತು ಸಿಬ್ಬಂದಿ ಜಿ.ಎನ್. ಗುರ್ಲಹೊಸೂರ ಮತ್ತು ಟಿ.ಬಿ. ಕುಂಚನೂರ, ಎ.ಎಮ್.ಕಾಂಬಳೆ, ಭರಮಾ ಕರಗಾರ ಮತ್ತು ಸಿ.ಎಸ್.ಹಂಚಿನಾಳ, ಆನಂದ ಅದನೂರ, ಐ.ಎಂ. ಚವಲಗಿ ಎಸ್.ಎ.ಕರ್ಕಿ, ಅವರನ್ನೊಳಗೊಂಡ ತಂಡ ದಾಳಿ ಮಾಡಿ ಸುಮಾರು 7.52.250/- ರೂಪಾಯಿ ಬೆಲೆಯ ಮದ್ಯ ಮತ್ತು ವಾಹನ ಸಂಖ್ಯೆ ಕೆಎ-22-ಸಿ-8545 ನೇದ್ದನ್ನು ವಶಪಡಿಸಿಕೊಂಡಿರುತ್ತಾರೆ. ಈ ಅಕ್ರಮದಲ್ಲಿ ಭಾಗಿಯಾದ ಆರೋಪಿ ಪರಶುರಾಮ ಬಾಹುರಾವ ಪಟ್ಟೇಕರ, ವಯಸ್ಸು-31 ವರ್ಷ ಸಾ|| ಹೊಸೂರ ಬಸವನಗಲ್ಲಿ ಖಾಸಬಾಗ, ಶಹಾಪುರ ಬೆಳಗಾವಿ ಈತನನ್ನು ವಶಕ್ಕೆ ಪಡೆದುಕೊಂಡು ಕಾನೂನು ಕ್ರಮ ಕೈಗೊಂಡು ತನಿಖೆ ಮುಂದುವರಿಸಲಾಗಿದೆ.
ದಾಳಿಯಲ್ಲಿ ಪಾಲ್ಗೊಂಡ ಉದ್ಯಮಬಾಗ ಪೊಲೀಸ್ ಠಾಣೆಯ ಅಧಿಕಾರಿ ಮತ್ತು ಸಿಬ್ಬಂದಿಯವರ ಕಾರ್ಯವನ್ನು ಪೊಲೀಸ್ ಆಯುಕ್ತರು ಹಾಗೂ ಪೊಲೀಸ್ ಉಪ ಆಯುಕ್ತರರು ಶ್ಲಾಘಿಸಿರುತ್ತಾರೆ.
| Join The Telegram | Join The WhatsApp |
